Monica Jiménez Mes de Febreru

Hola, soi Mónica Jiménez, artista gráfica, soñadora y rebelde. 

Los mios trabayos son bien variaos, dende'l diseñu de cartelería, camisetes o editorial hasta pintura, pasando pola ilustración, el trabayu audiovisual y la realización de talleres artísticos, introducción a la informática ya internet, y organización d'actividaes d'ociu y tiempu llibre. 


Utilizo materiales orgánicos y reciclaos, pintures y tintes que nun estropien el mediu ambiente. 

Nun tengo stock, faigo aquello que va a vendese, tanto nos puntos de venta habituales como en mercaos, y los encargos.

Esta forma de trabayar parte del compromisu de facer un comerciu responsable, nel qu'utilizar materiales non contaminantes, de comerciu xustu y nun producir aquello que nun se va a utilizar. 


Les imaxes que nos arrodien crean el nuesu imaxinariu colectivu por eso ye bien importante xenerar imaxes nueves que nos ayuden a construyir un mundu distintu. Ye nesti sentíu nel que dirixo los mios trabayos intentando poner el mio granu de sable pa una nueva sociedá xusta ya igualitaria. Pa ello los temes que percuerren los mios trabayos son: el respetu y la non discriminación, la non esplotación de persones y de territorios, el feminismu, la diversidá afeutivu sexual y otres diversidaes, les identidaes non normatives, los derechos humanos, la llibertá, el respetu a los animales y al mediu ambiente, el consumu responsable, la cultura llibre, la soberanía de los pueblos, los bonos tratos, l'allegría,...


Siguiendo estes llínees de trabayu les mios creaciones o talleres pueden tar realizaos en billingüe (asturianu-castellanu) o n'unu de los dos idiomes indistintamente, queriendo asina apurrir el mio granu de sable al usu, conocencia y respetu de la cultura y la llingua asturiana.